Dy ikonat e xhudos në Kosovë, Driton Kuka e Majlinda Kelmendi kanë vizituar ish-krerët e UÇK-së që po mbahen në paraburgim në Hagë.

Trajneri Kuka ka dhënë detaje rreth kësaj vizite dhe takimeve që ata kishin me të gjithë ish-krerët e UÇK-së.

Kuka ka thënë se ata ishin të fortë, të qëndrueshëm, pozitiv dhe të motivuar për të dalë të pafajshëm”

“Sot dhe dje së bashku me Majlinden përfunduam vizitat me krerët e UÇK!

Me secilin patëm biseda e shpalosje për ngjarjet historike të popullit tonë!

Biseduam edhe për sfidat tona në sport tash e në të kaluarën.

Të fortë, të qëndrueshëm, pozitiv dhe të motivuar për të dalur të pafajshëm, fillimisht ata, e më pas UÇK-ja dhe Republika e Kosovës, nga ky proces i padrejtë gjyqësor.

Unë dhe Majlinda, njëjtë si qytetarët e Kosovës, besojmë fuqishëm në pafajësinë e tyre”, shkruan Kuka. /arbresh.info/